白癜风 http://m.39.net/news/a_9249035.html《万千星辉颁奖典礼》将于周日（16日）举行，视帝视后宝座都成为网民热门讨论的话题。不过唔知大家有冇留意，总系有几个艺人差咁啲攞奖运，次次都同视帝视后宝座擦身而过，不如我的一齐回顾有边位男艺人系视帝嘅沧海遗珠啦！马国明
讲到视帝沧海遗珠，相信唔少人都会谂起马国明。马明喺初出道嘅时候，系奥运六星中人气最低嘅一位。但经过多年努力，佢由茄喱啡做到男一位置，大家对佢嘅努力同演技都有目共睹。佢第一次入围最佳男主角提名系凭05年剧集《同捞同煲》，至今已经被提名左11次，但每次都系食白果。尤其系《OnCall36小时》嘅张一健及《降魔的》嘅马季，唔少网民都认为佢系视帝最佳人选，可惜都系同视帝擦身而过，都为佢大感不值。马明一向深得民心又有观众缘，佢已经成为大家心目中嘅民间视帝。
林峯
99年入行嘅林峰，出道以嚟遇过唔少好角色，例如《塘心风暴之家好月圆》管家仔、《使徒行者》爆seed及《雷霆扫毒》HappySir等等嘅演技得到大家认同，深入民心。至今林峰一共被提名为最佳男主角16次，而成功跻身5强度有8次咁多，但可惜嘅系每一次都同视帝之名擦身而过，唔少人认为佢绝对有资格登上视帝宝座。难怪林峰都觉得心灰意冷，转战内地搵实行搵人仔，14年《使徒行者》成为告别作。
马浚伟
马浚伟（马仔）有份参演嘅剧集都深受欢迎，好似有《十月初五的月光》饰演司徒礼信、《洛神》饰演曹植、《帝女花》饰演周世显、《守业者》嘅潘家扬。至今马仔已经被提名左13次，今年重头剧《宫心计2深宫计》，佢喺剧中饰演李隆基都深受观众爱戴，不过今年佢就冇份竞逐「视帝」，结果令到唔少网民都替佢不值。讨论区上更有网民推断因为马仔为香港开电视主持同埋製作《同理·继续走》有关。
马德钟
入行已经23年嘅马德钟演技一向被受肯定，佢同林峰一样被提名为最佳男主角16次，佢曾经被寄予最希望得到奖项嘅是年的《凤凰四重奏》，06年竞争都好激烈，但最后竟然由小成本嘅偶像剧《天幕下的恋人》中嘅郑嘉颖得到奖项，结果全城譁然。而马德钟今年台庆剧《跳跃生命线》中饰演消防总队目「在哥」麦在田，感动好多网民，更凭剧集角逐「最佳男主角」及「最受欢迎电视男角色」两个奖项，唔少网民都好想佢拎到视帝呢个奖。
张智霖
张智霖被提名为最佳男主角6次，不过好多时都被视为视帝大热，可惜每次都大热倒灶。好似13年，佢凭《衝上云霄》饰演「Cool魔」机长顾夏阳，本身对视帝宝座明显志在必得嘅佢，可惜最后被《My盛Lady》嘅*子华夺去，仅获「我最喜爱的电视男角色」。
吴启华
相信好多网民对吴启华印象，最深刻嘅剧集一定系《妙手仁心》系列饰演嘅程至美医生，入行至今，除左《妙手仁心》嘅程至美之外，佢都饰演过唔少经典角色，例如《一号皇庭V》Alex、《美味情缘》马友及《黑夜彩虹》乐天生等等，可惜嘅系喺佢事业巅峰时期，偏偏遇上罗家良同欧阳震华等强敌。
